Hierdie week het Plaas TV weereens vir interessante kykstof gesorg en vandag is #kykweervrydag. Hier is ’n opsomming van dié week se episodes:
- How can a cattle breeder society contribute towards a better industry, and is it at all possible? Kobus Bester, a breed director of the Simbra Cattle Breeders’ Society of Southern Africa, elaborates on this.
- Die gewilde Bloemskou vind vanjaar van 25 April – 3 Mei plaas en nie minder nie as 23 kampioenskappe word tussen beeste, kleinvee en perde aangebied. Elmarie Prinsloo brei nou hieroor uit.
- Au Albidus se derde versveiling is onlangs met groot sukses in Warmbad aangebied. Plaas TV het ook dié geleentheid bygewoon, en hier met ‘n paar rolspelers gesels:
- Veediefstal bly een van die grootste uitdagings wat veeprodusente daagliks moet trotseer. Nie net ly produsente groot verliese nie, maar daar is ook ’n emosionele prys wat betaal word wanneer vee beseer word en jare se werk tot niet is. Veediefstal word egter dikwels nie aangemeld nie of korrekte prosedures word nie gevolg nie. Daarom is ‘n doeltreffende nasionale aanmeldstelsel, wat afsonderlik van die SA Polisiediens (SAPD) bedryf word, opgestel. Hierdie projek sal deur die Nasionale RPO bestuur word. Louis Wessels vertel ons nou meer.
- Die derde jaarlikse Langspruit-Beesdag wat deur die Langspruit-boerevereniging op die Bieliemieliefeesterrein buite Reitz aangebied is, se tema was: “Sorg vir jou bul, en dan sorg hy vir jou”. Plaas Media se Izak Hofmeyr het hier met Francois Scholtz gesels.
