Benut biologie in graanboerdery

Estimated reading time: 5 minutes

Bewaringslandbou en die biologiese benadering tot droëlandgraanverbouing, is onlangs tydens NexusAG se Graanprodusentedag op Eensgezind naby Durbanville in die Wes-Kaap, bespreek. Meer as 250 graanboere en ander rolspelers het die dag bygewoon.

Kevin Snyman, hoof uitvoerende beampte van NexusAG Ekstern, het gesê die geheim van grondgesondheid is ’n balans tussen die chemie, fisika en die biologie van grond. “Ons verstaan die chemie van grond goed en kan dit maklik meet, monitor en bestuur. Ons begryp die fisika van grond en weet wat verdigting, kompaksie en waterhouvermoë is. Die biologie van grond was egter tot nou ’n grys area, maar dit is besig om te verander. Ons verstaan dit nou beter en dit raak al hoe makliker om dit te meet.”

Dit is belangrik om te onthou dat biologiese produkte ’n spesifieke werking het. “Jy moet weet wat jy met biologiese produkte wil bereik en seker maak die produkte is geregistreer vir die doel waarvoor jy dit wil gebruik. Daar moet ook data wees wat dit ondersteun,” het Snyman gesê.

Lees meer oor Graan SA se landbouseminaar hier.

Kleiner impak op natuur

Volgens dr Johann Strauss, senior wetenskaplike by die Wes-Kaapse Departement van Landbou, het altesaam 51% van Wes-Kaapse graanprodusente bewaringslandbou ten volle aanvaar. Dit sluit minimale grondversteuring, die behoud van plantmateriaal op die grond vir solank as moontlik, en wisselbou in.

Buiten dat bewaringsbewerkingspraktyke ’n beter netto inkomste as konvensionele bewerking lewer, het navorsing in die Wes-Kaap ook getoon dat bewaringswerking ’n kleiner impak op die natuur het. Konvensionele bewerking se omgewingskade beloop R4 671/ha koring geproduseer, teenoor bewaringsbewerkingspraktyke se impak op die natuur wat wissel van R2 108 tot R3 039/ha.

“Bewaringslandbou het uitdagings, maar daar is geen rede om dit nié bewaringsbewerking te beoefen nie,” het hy gesê.

Regte produkte en strategie

Dr Ronél Hendriks, hoof van navorsing by Microbika, het gesê mikrobes is slim, maak die heeltyd planne en het die vermoë om weerstand teen enige chemie of molekule op te bou wat ’n produsent gereeld op sy plaas gebruik. ’n Goeie voorbeeld is die gereelde gebruik van glifosaat wat daartoe gelei het dat fusarium die vermoë ontwikkel het om glifosaat as fosfaatbron te gebruik. “Glifosaat is soos Red Bull vir fusarium.”

“As jy met biologiese boerdery begin, moet jy die regte produkte gebruik en jou biologiese strategie oor meer as een seisoen volhou. Elke jaar raak ander mikrobe-eienskappe duidelik en kan jy jou strategie aanpas om die grootste voordeel uit biologie te kry.”

Invoortoediening is ’n moet

Wessel Cloete, kommersiële bestuurder, NexNutri, het gesê invoortoediening van plantvoeding gee jou die geleentheid om die regte voedingstowwe op die regte plek teen die regte hoeveelhede neer te sit. Voordele van dié praktyk is onder meer dat dit opbrengspotensiaal maksimeer, vinniger en eenvormige opkoms verseker, wortelontwikkeling aanhelp, grondstruktuur verbeter, en die jong plant teen abiotiese en die plant teen biotiese stres beskerm.

“Proewe wat in 2022 en 2023 deur NexusAG gedoen is, het getoon dat die netto opbrengs op jou belegging 708% kan beloop as jy die praktyk reg toepas. Die gemiddelde resultate van agt behandelings, het ’n netto-inkomste van R2 125/ha bo die netto-inkomste van konvensionele bewerking gegee. In Amerika, Australië en Kanada is invoortoediening al ’n praktyk en iets wat ons nou in die Wes-Kaap moet begin doen,” het Cloete gesê.

Voordele van kolbespuiting

Volgens Francois Janse van Rensburg, bemarkingsbestuurder van Cerealis Precision, kan ’n produsent deur die regte gebruik van kolbespuiting (spot spraying) tot soveel as 95% per bespuiting op chemiese koste bespaar. Hierdie praktyk, waar slegs die onkruide selektief bespuit word, het ’n doodspuitkoers van 96%.

Kolbespuiting kan onkruidweerstandigheid teen chemikalieë beperk. Tydige bespuiting bring besparings in vog en voedingstowwe mee, en verminder byvoorbeeld fusarium in die grond as gevolg van verminderde gebruik van glifosaat. – Hugo Lochner, Plaas Media

Vir meer inligting, kontak NexuxAG by 021 860 8040 of besoek hul webtuiste by www.nexusag.net.

Must read

Dairy industry benefits from research at Outeniqua Research Farm

Estimated reading time: 2 minutes Western Cape minister of Agriculture, Dr Ivan Meyer, recently visited the Western Cape Department of Agriculture’s Outeniqua Research Farm, outside of George. The research farm is known for its...

Katoen-verwysingsprys: Week van 8 April tot 12 April 2024

Die Suid-Afrikaanse Katoenprodusente-organisasie (SAKPO), met die ondersteuning van Katoen SA, het ’n platform geskep om elke week ’n gemiddelde verwysingsprys vir katoenvesel deur te gee. Hierdie is slegs ’n afgeleide prys wat bereken word op...
So ’n span gesonde kalwers op goeie groenweiding bied die beste potensiaal vir sukses.

Strategieë vir die voerkraalvoorbereiding van kalwers

Estimated reading time: 7 minutes Voerkraalvoorbereiding, beter bekend as backgrounding, verwys na ’n fase in die beesvleisproduksieproses waar jong beeste, tipies pas-gespeende kalwers, in ’n voerprogram geplaas word wat daarop gemik is om hulle...

Ekonomiese oorsig vir Maart: Landboumarkte wissel

Estimated reading time: 3 minutes Die rand het ‘n goeie maand ervaar tydens Maart en het deurlopend teenoor die dollar versterk en ‘n redelike stabiele maand teenoor die euro ervaar. Die rand het die...
grootveeproduksiestelsels

Veediefstal: Omgewingskriminologie en misdaadanalise

Estimated reading time: 5 minutes Veediefstal is ‘n misdaad wat ouer as die berge is. Boba omskryf misdaadontleding as “die sistematiese studie van misdaad- en wanordeprobleme, asook ander polisieverwante kwessies – insluitend sosiodemografiese, ruimtelike...