Estimated reading time: 2 minutes
Met vier dekades se toegewyde beesproduksie en doelgerigte seleksie as grondslag, maak die Brangus Alliance gereed om van hul beste genetika aan Brangus-produsente beskikbaar te stel. Op Saterdag, 10 Oktober 2026 om 11:00, bied Brocor Auctions hierdie gesogte veiling op die plaas Kruis, net buite Boshof, aan.
Die veiling verteenwoordig 40 jaar se beproefde Brangus-genetika –’n uitmuntende erfenis van gehardheid, aanpasbaarheid, uitstekende moedereienskappe en goeie gewigstoename op die veld. Dit bied stoettelers en kommersiële produsente ’n besonderse geleentheid om te belê in ’n bloedlyn wat oor dekades heen hul staal in die praktyk bewys het.
’n Veelsydige aanbod vir elke kudde
Die veilingsaanbod is noukeurig saamgestel om aan die behoeftes van sowel die toegewyde stoetteler as die kommersiële produsent te voorsien. Diere word in alle produksiestadia aangebied, waaronder koeie met kalwers en dragtige verse.
Die aanbod sluit in:
- 25 Stoetbulle: Streng geselekteer vir vrugbaarheid, gehardheid, strukturele korrektheid en uitstekende teelwaardes.
- 25 Stoet vroulike diere: Gesogte diere wat die grondslag van die Alliance se teelprogram weerspieël.
- 100 Kommersiële vroulike diere: Topgehalte vervangingsverse en koeie wat wat waardevolle genetika tot enige kommersiële kudde sal toevoeg.
- 50 Bulkalwers: ’n Uitstekende geleentheid vir kopers en voerkrale wat op soek is na goeie gehalte Brangus-kalwers, groeivermoë en voeromset.
Veilingsbesonderhede
- Datum: Saterdag, 10 Oktober 2026.
- Tyd: 11:00.
- Plek: Plaas Kruis (net buite Boshof).
- Afslaers: Brocor Auctions.
Moenie hierdie geleentheid misloop om 40 jaar se beproefde Brangus-genetika deel van jou kudde te maak nie.
Vir enige verdere navrae, veilingsvoorwaardes of katalogusse, kontak Brocor se bemarker, CR Botha, by 079 051 5171.
